Awe mainta un Polis den Hof a wordo condena na un castigo di prizon condicional di seis luna pa maltrato di Mitch Henriquez cu morto como consecuencia. Un di dos Polis a wordo declara completamente liber.

E Polis cu a wordo condena ta esun cu na 2015 a haci uzo di e nekklem riba Henriquez. “Un causa indiscutibel den morto di e homber,” Corte a bisa.

Hof a conclui cu e agente cu a wordo declara liber a haci uzo di actonan violento cu ta “proporcional”.

 

Un Polis den caso Mitch Henriquez declara liber

Un Polis den caso Mitch Henriquez declara liber. Click link pa mas https://24ora.tv/2WYAJgc

Posted by 24ora on Wednesday, June 19, 2019

DH02 a preta Henriquez riba suela, a dal’e den su cabes y a uza pepperspray. Esaki a sosode despues cu e homber a resisti su detencion.


Dor di e resistencia, e actuacion di DH02, segun Corte, tabata legal for di su funcion como Polis. Tambe a constata cu su actuacion no a dura largo y solamente tabatin como intencion pa kibra e resistencia di Henriquez.

No por papia di complicidad

Remarcabel den e decision ta cu Hof ta haya cu e actuacionnan di e Polisnan no ta algo cu nan a planea pa haci hunto. Pues no por papia di “medeplegen”, manera cu nan a wordo acusa di dje.
Segun Hof, ta bien posibel cu DH02 “den tur e consternacion no a mira cu DH01 a haci uzo di un nekklem”.


Danki na e filmacionnan di e detencion y e declaracion di e testigonan Hof ta constata cu e nekklem a wordo uza na inicio di e detencion y a dura ten a final di e aresto.
Esey, segun Hof, a dura demasiado largo y ta conclui cu ta trata di violencia desproporcional. Pues por conclui cu por ta basta posibel cu e nekklem a causa morto di Henriquez y por wordo culpa di esaki.”


Corte ta bisa cu na final di e aresto di Henriquez no a actua di forma adecuado. E homber tabata for di tino, pero no a wordo transporta mesora pa hospital. “E situacion tabata asina peligroso cu no por a Brinda ayudo na e sitio.”

DEN HAAG – Familieleden van Mitch Henriquez tijdens een demonstratie tegen politiegeweld. De betoging wordt gehouden precies een jaar na de dood van Mitch Henriquez, die door politiegeweld om het leven kwam. ANP ALEXANDER SCHIPPERÿÛ

Richard Korver, Abogado di e famia, a bisa despues di e sesion cu e Polisnan ainda por wordo persigui pa no cumpli cu nan deber. E decision ey ta den man di OM.
OM a pidi castigo condicional di seis luna pa e Polisnan y cu pa dos aña nan no por traha como Polis.


Si e caso ta bay Cassatie no ta conoci ainda. E decision aki a cay duro pa famia. Abogado a keda hopi sorprendi cu e decision di Hof.

Comments

comments