Un Parada di Blaas cortico cu poco publico pero cu muchanan disfrutando

Awe tabatin e prome parada di mucha, cual tabata e Parada di Blaas San Nicolas cu a core e ruta di semper, cuminsando pa 1’or di merdia. Manera menciona anteriormente, tabatin 4 grupo cu a participa den dje, di cual Don Flip a resulta esun mas grandi.

No solamente e parada tabata hopi cortico, unda cu na e sitionan cu mas el a tarda pa pasa tabata 40 minuut, pero e publico banda di caminda tabata hopi menos cu otro añanan. Cu e publico ta bay ta hopi menos por a sinti for di tempran ya cu na momento cu e parada a sali un poco despues di 1’or di merdia, e ruta tabata practicamente bashi. Hopi lastima pa e muchanan!

Sinembargo loke tabata hopi positivo ta cu no solamente e bandanan a toca canticanan di e muchanan cu a participa den e festival, pero e muchanan mes tambe tabata canta.

Un Parada di Blaas cortico cu poco publico pero cu muchanan disfrutando

Un Parada di Blaas cortico cu poco publico pero cu muchanan disfrutando. Click e link pa mas https://24ora.tv/2NFL3TB

Posted by 24ora on Sunday, January 19, 2020

Segun informacion di Polis, e cabes di e parada yega stadion bek 4:37pm mientras cu e ultimo grupo a drenta 5:06pm.

Un pabien na tur esunnan cu a haci un esfuerso pa e Parada di Blaas San Nicolas por a tuma luga.