E caso di tiramento na Sero Biento ta uno caminda un omo a los tiro y herida e sobrino. Ta basta problema e caso aki a trece pasobra aki ta famia cu famia. For di trempan caba tabata tin un problema den e vecindario . Eybanda un bisiña coredor di brommer a ser dera. Su entiero tabata diabierna. Despues a start bebemento pafo na Sero Biento manera e custumber di laba man. Polis a papia cu e grupo caba eyfo pasobra a tende cu tin fever. Polis di Santa Cruz a pasa y papia cu nan. No tabata tin fever e momento ey pero si Polis a ripara cu tin basta hende bebi.
Polis a laga sa mesora cu no ta descarta fever mas den laat. Anochi den careda di 8or Polisnan a bay atrobe cu urgencia pasobra tin un tiramento. Ora cu Polis a yega a haya hende herida cu tiro. Ambulance a wordo pidi cu urgencia. Ora e Polis a yega e situacion no tabata facil y refuerso tabata necesario. E informacion haya for di Polis despues ta bisa cu e problema di desordo cu brommer of fever ta e motibo di tiramento. E trankilidad a wordo stroba pa motibo di brommernan haciendo desordo. Na dado momento un omo a sali y parce a bin problema y los tiro herida e motociclista. Ta su mesun sobrino el a herida. E omo cu a tira a drenta su cas y Polisnan a bay tambe na e cas. Eynan a detene y haya e arma. Tabata un rifle di aire. E no tabata un arma di bala cayente. Asina mes e caso ta wordo considera uno serio. E intencion so di los tiro ta castigable. E famia tabata basta altera y tabata tin basta yoramento.
Sobrino herida y omo deteni. Yiunan y casa tur bou yoramento. Personal di slachtofferhulp a bay na diferente adres pa atende cu e famianan. E ambulance a yega cu e victima hospital. E no tabata grave. Cuerpo Tecnico a bin atende cu e caso hunto cu recherché di Santa Cruz. Hefenan di Polis tambe a presenta. E area tabata sera pa investigacion. Despues di investigacion e situacion a calma na e sitio. E Polisnan a bandona e area lagando tur cos trankil.
