Nos studiantenan di Universidad di Aruba tin como projecto pa organisa un evento pa recauda fondo pa un organisacion “non-profit”.

Servicio na comunidad ta un parti integral di nos programa y asina kier invita henter pueblo di Aruba pa asisti nan na e Family Film Bazaar cu lo tuma lugar diasabra 6 di april orario 4or di atardi te cu 9or di anochi na Commandeur Pieter Boer Basisschool na San Nicolas.

E team cu ta consisti di Kayvan Fletcher, Kervens Mallebranche, Paola Koeman, Christiaan Kingsale y Sheelah Arends a scohe Commandeur Pieter Boer Basisschool pa contribui na e diferente proyectonan di e e scol, entre otro, engrandese e speelplaats (un proyecto existente), proyecto pa drecha e biblioteca di scol y yega na un stage y tentnan pa e scol ora di actividadnan.

Nan a scohe e school aki pasobra nan ta kere cu nan lo por yuda e scol logra sikiera un di nan meta. Tur ganashi di e fundraising lo wordo entrega na e scol.Nan ta bai organisa un Family Film Bazaar na Commandeur Pieter Boer Basisschool y nan taextende un invitacion special na tur mucha di scol, na nan mayornan y famianan pa asisti na e Family Film Bazaar diasabra 6 di april orario 4or di atardi te cu 9or di anochi. Cuminsando cu weganan (pintamento di cara, stoelen dans, donut eating contest y hopi mas) entre 4:00 pm – 6:30 pm. E prijs ta cada wega lo ta entre 1 te cu 4 florin. Entre 7:00 pm – 9:00 pm lo sigui cu peliculanan apropia pa mucha y lo tin un diferente pelicula den cada klas.

Ticketnan ta obtenibel pa 5 florin na bali di Universidad di Aruba FHTMS, serca tur studiante di Commandeur Pieter Boer Basisschool y na porta, ariba dia di e evento. Lo tin diferente premionan na porta: por ehempel, keds di jordan, tas di school, shimis, cahanan di caprisun, voucher di cinema, Wendy’s y hopi mas. Bar y cushina lo ta bon sorti na un prijs rasonabel.

E studiantenan kier a gradici mayornan di Pieter Boer Basisschool pa e donacion di cupcakes, donuts, cuchara, forki, napkins, copi, y pa e cooperacion pa bende e ticketnan. Tambe nan kier a gradici varios sponsor: Aruba Wine and Dine, Eco DMS, Panaderia Moderna, University of Aruba, Dial Rent to Own, iBiSa, Shopper Shopping, Genevieve Millard, Gleeson Gilbert, La Tuva Heemstadt y Kayvan Fletcher.

Pa mas informacion por bishita nan riba facebook: Family Film Bazaar. Ban traha hunto pa haci e proyecto un exito.

“Na final di dia bida no ta trata di lo cual bo tin of lo cual bo a logra, bida ta trata di ken bo por a yuda lanta of ken bo a hasi un miho persona…E ta trata di lo cual bo a logra duna bek na bo comunidad.” – Denzel Washington

Comments

comments