Un famia a bringa contra otro famia den Gielstraat na Noord

Un problema a surgi den casnan di pueblo na Noord. Esaki tabata den Gielstraat caminda un famia a presenta na e cas menciona y drenta e cas bringa cu e otro famia cu ta biba na e cas. Basta golpi a cay y despues e famia cu a bin bringa cu e famia di Gielstraat a baha na awa den pickup Hilux cora kima y un Jeep Wrangler segun testigonan. Polisnan a presenta rapidamente pero ora polisnan a yega ya agresornan no tabata tey. Un patruya a keda y otronan a cuminsa cu un buskeda rond. Na e adres den Gielstraat tres persona a wordo agredi. A pidi presencia di ambulance pa asina atende cu e tres heridonan. Despues  a transportanan pa hospital pa chekeo medico. Polis a tuma tur datos di e famia pa asina ora nan topa cu e dicho autonan y ocupantenan atendenan cu man duro. Keho oficial cu carta di dokter lo wordo duna pa e problema aki.