Un di e tres recherchenan suspendi ta bek den funcion

Diabierna den forma di sorpresa, Alto Comisario Andrew Hoo a tuma e decision drastico pa suspende y prohibi entrada di tres recherche na cabes di e departamento di Crimen Organisa (UGC) di Cuerpo Policia Aruba. Ta trata di recherchenan Dammers, de Mey y Werleman. Sinembargo, despues di a mira e forsa sindical y e union policial awe mainta na POVA, a opta pa hala un di e suspensionnan aden.

Mando Policial a opta pa elimina e decision pa prohibi entrada den Wardanan di Polis di e recherche Francis Werleman. A pone bek den funcion, despues cu e investigacion preliminar no ta mustra ningun sorto di envolvimento of ningun hecho castigabel pa ley.

E dos otro hefenan di e departamento, George Dammers y Tico de Mey, ambos cu mas di 30 aña di experencia y mayoria den e trabou di Polis Investigativo, keto bay ta na cas suspendi.

Sindicato di Polis ta determina pa duna Mando Policial espacio pa conduci e investigacion interno y na Landsrecherche cu ta conduciendo e investigacion penal. Pero nan lo ta hopi cerca pa defende nan coleganan den nan derechonan.

Ministerio Publico ta acusando e dos recherchenan pa entre otro “omkoping”.