Djamars 12 desèmber 2017 alrededor di 20.16 or durante di kòntròl di un patruya di VKC
riba un shofùr di un outo, riba e luga di parker den a rea di Rondeklipweg, e shofùr a baha i
kore bai.
E patruya a tene un kòntròl den e outo i a haña un pistol marka “Glock” bou di e asiento di
pashero. Polis a konfiská e outo i e arma di kandela pa mas investigashon.
Mas lat e doño di outo, un dama a presentá na e sitio i a deklará ku su yu a fia un tipo rasta
e outo.
En konekshon ku esaki polis a tene un entrada hudisial na kas di e dama den área di Noord
Zapateer. Na e kas polis a haña i a konfiská treintaocho (38) pildora di extacy, dos (2) blòki
di hash i un ‘crusher’ den kamber den su yu. Na e momento ei e yu no tabata na kas.
E investigashon den e kaso aki ta kontinuá.
