Polisnan buscando ilegalnan arma cu handgranaat a topa cu un plantacion grandi di marihuana y tambe cu un laboratorium. Esaki Tabata banda di Alto Vista. Polis mes a keda babuca di mira algo asina professional.
Nan a gara illegal den e area, y na mes momento a atende cu e caso di marihuana descubri. Eynan ta biba entre otro e homber R.M. E homber aki parce segun famia ta sufri di dolor di lomba y esaki ta loke e lo ta usa. E lo ta planta tur e matanan aki pasobra segun famia ta pa uso propio. Asina mes autoridad no a tolera e ilegalidad y a actua. Departamento di droga a presenta na e sitio.
Hunto cu Polis di Noord a haci investigacion y confisca tur e material di laboratorium y tambe e marihuana y bakinan cu Tabata planta e marihuana. A coy powersuply, fan, luznan special pa cayente, a haya saco grandi cu marihuana. Parce e homber R.M. di Alto Vista tin basta placa inverti den henter su Proyecto.
Segun informacion e subfiscal despues di tuma declaracion a opta pa laga e sospechoso den libertad. Esey no nifica cu loke e ta haciendo no ta castigable. El a perde henter su plantacion, laboratorium y tambe e marihuana cu Tabata cla caba den saconan pa wordo usa.
