Dialuna marduga Arestatie Team a drenta un cas na Sero Pela. Esaki a basa riba un investigacion di Recherche.
Ora cu Team di Aresto drenta un cas of wordo envolvi ta pasobra e sospechoso por ta un peliger. E seguridad ta importante ora di detencion. Despues di investigacion a yega e momento pa bay over na detencion. E preparacion a wordo haci y asina a sali riba e cas na Sero Pela na Noord.
A drenta e cas den forma di sorpresa banda di 4or di marduga. A detene un homber y el a wordo saca sin cu a haya chens di bisti carson. Pa ora cu e kier a spierta ya caba autoridad tabata para na su camber cu arma den man. E tipo di detencionnan asina dimes nunca bo ta spera marduga na bo cas.
Famianan tambe ta pasa den un susto sin cu nan por yuda. Simplemente pasobra den cas tin un sospechoso busca pa husticia. Despues di entrada di Team di Aresto ta bay over tambe na listra e cas. Cuerpo Tecnico cu Recherche y Fiscal tabata presente na e adres. Asina a haci e investigacion buscando evidencia den e caso cual e sospechoso a keda deteni.
