Bomberonan previniendo desgracia cu biento duro

Diabierna mainta a yama autoridad mes ora pa bin duna asistencia riba caminda grandi di Sta Cruz, caminda cu un borchi lo a kibra y causa daño na diferente vehiculo den cercania.

Na sitio a tuma nota di fragmento di e borchi cu a bula bay y kibra riba vehiculonan staciona na e otro banda di caminda di Taco Bell Sta Cruz. mes momento a nota tambe cu e borchi mes tambe a cuminsa duna señal di bay cay causando un peliger inminente pa peaton / trafico y cliente di e fast food restaurant mes.

Mes ora brandweer tambe a presenta pa asina cuminsa proceso pa desmantela y/o re-enforsa e structura pa asina evita cualkier otro incidente. Segun por a compronde, e compania a informa cu di biaha a tuma pasonan pa evita cu e borchi por sigui causa daño.

Ta importante pa controla e tipo di borchinan aki pa sigura siguridad di e comunidad mirando cu un desgracia por a tuma luga cu e structura completo di e borchi cu lo por a cay riba hende inocente cu consecuencianan devastador.

Mas ainda cu hustamente awe tabatin alerta pa biento fuerte.