Un dama y un homber a haya hopi sla ora Sentra a dal na Sero Biento

Un dama y un homber a keda herida riba e caminda di Playa pa Santa Cruz na altura di Sero Biento. Un Nissan Sentra A-50312 a baha caminda dal hopi duro den palo di sosten.

E auto a keda dwars pega y tur kibra. Polis a yega y topa cu e pareha den e auto den cura banda pariba di e accidente. E dama tabata drumi plat abou y e homber sinta. Dos ambulance a presenta y nan a atende cu ambos persona y bay cu nan Hospital.

Accidente cu herido na Sero Biento

Posted by 24ora on Sunday, March 3, 2019

E homber den ambulance no kier e haya yudansa. Asina mes a papia cune pa splike cu e tin un fractura na brasa y nanishi kibra. Polis di trafico a presenta pa investiga.

Elmar y WEB su personal tambe a ser notifica pa atende cu tubo di awa y meter di awa of palo di lus cu cashi di corientre cu a sufri daño. Despues di investigacion a logra pa saca e auto for di e mondi.