Diahuebs mainta Polisnan mester a bay atende un accidente cu a sosode na Camacuri cu parce tabatin basta daño material.
Na e sitio por a compronde, e Hyundai a bay duna un pick-up cu tabata biniendo di Playa chens pa drenta e cura di aruba Bank. Tras di e Hyundai tabata biniendo un Van cu basta velocidad y e chauffeur no a ripara cu e auto su dilanti a baha velocidad pa cual el a dal cu full forsa den e Hyundai. E auto chikito a haya hopi sla parti patras. Segun por a compronde, e doño tin apenas 4 luna cu el a cumpra e vehiculo for di agencia. No tabatin herido y ambos persona den e auto tabatin safetybelt bisti.
