Comision Promove Cultura ta contento cu e reaccion cu nan a haya durante inscripcion pa loke ta festival Un Canto Na Nos Himno y Bandera, pre-infantil, infantil y hubenil, segun Ray-anne Hernandez.
A haya un total di 48 inscripcion cual ta sumamente bon. Tabata sperando un tiki menos mirando cu e periodo di carnaval ta hopi largo y e festival ta e fin di siman despues di carnaval.
Asina mes a yega na 48 participante cual ta hopi bon. Ta contento di wak cu e interes di tanto mucha, compositor, areglistanan pa aporta toch na un festival cultural, maske carnaval ta largo.
Ta hopi contento cu esaki. E preparacion ta bay cuminsa di biaha pa loke ta e festival, cual ta dentro di tres siman.
E siman ta diabierna, dia 8 di Maart y lo cuminsa pa 6’or di atardi. Diasabra, dia 9 di Maart lo cuminsa pa 6’or di atardi. Ta pidi tur banda pa tey no mas laat cu 5’or y mey pa haci setup, soundcheck, etc. pa e festival cana na un manera smooth.
Tin basta participante y basta banda pa cubri diasabra. Esaki lo sa di cana na un manera smooth, si tur banda duna di nan banda pa subi escenario na un manera lihe y baha tambe na un manera lihe.
Jessica Croes, presidente di Un Canto Pa Aruba su Himno y Bandera di su banda, a splica cu nan a haya 21 agrupacion y 46 cantante.
E festival di e grandinan lo ta diadomingo, dia 10 di Maart y lo cuminsa exactamente pa 6’or di atardi, debi cu tin asina hopi cantante. Lo bay cuminsa mas tempran cu ta posibel pa caba mas tempran.
Normalmente ta bay prefinal, pero debi cu e periodo di carnaval ta asina largo, no tin espacio pa prefinal y si bay e siguiente fin di siman, e fin di siman di dia 15, e ta mucho cerca di 18 di Maart, no tin chens pa e cantica resona, cu 18 di Maart. E ora ta pa e motibo ey ta bay un siman prome, e ora tin full e siman te cu 18 di Maart pa e canticanan resona.
Tur e dos festivalnan lo tuma luga riba Plaza Betico Croes.
Un y tur ta invita pa bin riba e fin di siman di e festivalnan. Dia 8 cu 9, ta esun di preifnantil, infantil y hubenil y dia 10 lo ta di e adultonan. Tambe lo tin tent di benta di cuminda, artesania, cosnan dushi. Tur hende ta invita pa corda bin riba e dia ey. Coopera cu nos cantante, compositor y areglistanan, cu canticanan nobo dedica na Aruba.
