Diamars anochi a logra topa cu un jeep scondi den un hancho na Olijfistraat, Dakota. E jeep aki tabata relaciona cu un caso di ladronicia/joyriding cu a tuma luga den ora mas trempan di dia.
Segun informacion riba red social, a indica cu e ladron aki lo a presenta riba un bicicleta y laga esaki na poni na muraya mientras e mes a subi jeep di hende y bay cu esaki.
El a cuminsa un trip rond di nos isla den jeep horta. A notifica autoridad y for di akinan a cuminsa un buskeda pa e auto.
Den careda di 8:00 pm polis a bin topa cu e jeep aki scondi den un hanchi, entre dos edificio den Olijfistraat. Segun testigo, un conoci di polis lo ta esun cu a comete e acto aki y a bandona sitio lagando e jeep atras.
A tira un bista den e area pa e sospechoso of sospechosonan pero sin resultado. A pidi presencia di takelwagen pa transporta e auto pa warda caminda lo atende cu e propietario y e investigacion.
