Tabata algun minuut prome cu 11or di anochi a sosode un accidente basta serio. Faltando algun minuut prome cu Toque de Queda bay na vigor e auto a dal. E accidente aki a sosode den e birada skerpi riba e caminda di Brazil bay pa Mabon. Ta trata di un auto blanco tipo sedan cu tabata biniendo for di Famia Supermarket. E chauffeur a perde control y dal un palo di luz kibra y bay para algun meter leu.
E chauffeur di e auto a resulta seriamente herida cu cortanan basta profundo na man.
Polis a confisca e auto. Elmar a ser avisa. El a dal den un cura di cas tambe. Parce tabata tin un otro auto envolvi y Polis a topa cune bandonando e sitio. A para e chauffeur tambe pa atende cune y purba confirma cu e ta envolvi.
