Ya ta dos biaha caba cu Parke Curason ta haya bishita indesea di ladron y esey sigur tin esnan encarga tur preocupa.

Naturalmente polis a wordo poni na altura di e hecho. For di diamars caba a yama polis y nan a bay na e kiosco cu tin ubica den e parke. Eynan a papia cu e doño, kende a bisa cu nan a laga e kiosco na lok y intacto.

Den oranan di mainta, ora cu a bay na e kiosco, a bin ripara cu esaki a wordo horta. Tin un otro kiosco mas cu nan ta maneha y eynan tambe nan a horta. A bay cu entre otro un caha, 45 icecream, 2 saco di galiña, 12 porkchop, 1 caha di batata pa hasa, un grindmachine y un boormachine. Keho a wordo duna pa e hecho aki. Sinembargo esaki no a keda te aki. Awe mainta un biaha mas nan a drenta den e kiosco. Esaki sigur ta un gasto grandi mas pa e propietario, kende ta bin tur dia pa bende su cosnan cu e publico cu ta bin ehercita of pasa un rato den e parke. Polis ta na altura di e situacion.

Comments

comments