Riba e ultimo dia di actividad di ASA soccer camp, Marvic Bermudes, coach di soccer academy, conta cu e camp a bay bon y cu tur e muchanan a forma parti di dje den temporada di nan vakantie ta contento.
Summer camp a tuma luga di dialuna pa diabierna for di 9:00AM pa 12:00PM, cu participacion di 115 mucha. Cada dia un actividad diferente, no solamente training regular pero tambe actividad pa premiacion, pa gana medaya y weganan di awa.
Player of the day tambe ta algo pret y sigur ta stimula cada mucha pa nan tambe duna mas di nan banda pa resalta asina haya e copa. Ta basa e premio, no solamente riba mucha cu ta hunga miho futbol, pero tambe esun cu miho comportacion, cu ta yuda e otro muchanan y cu ta apoya su team.
Aunke coronavirus tabata un preocupacion pa e organisadornan di camp, tin cu bisa cu e reaccion inmediato di e participantenan a pone cu a sold out al instante. Mes mora a busca e uniform di e aña aki y a start e soccer camp.
Marvic Bermudes a remarca cu a complace un grupo adicional di participante. Normalmente ta cera e camp na 100 mucha, pero debi na peticion ferviente di algun mayor a duna luga na algun cupo extra cu a haci cu e aña aki tabata tin 115 mucha cu a forma parti di e soccer camp.
Presente na e camp tabata tin 3 coach internacional di Everton Football Club, cu ta riba proyecto y desaroyando nan mes como coach internacional cu ta pone cu nan ta yuda tambe den diferente summer camp, cual nan ta hopi gradecido pa nan asistencia. Pa e participantenan tambe esaki ta un experiencia unico, caminda nan por a interact cu coachnan di otro pais.
Entre e coachnan local por a mira hugadonan di diferente clubnan locual manera di Brittania, RCA, Santa Fe, Nacional y mas. Na tur e participantenan y mayornan ta bay un gradicimento special pa depocita nan confiansa den ASA pa e summer camp. Tambe sigur na cada coach cu a forma parti di e camp y haci di esaki uno sumamente exitoso y sin laga afo na cada sponsor cu a aporta grandemente na e camp pa asina cada participante tabata bon alimenta diariamente.
