Un biaha mas accidente na e luznan di trafico na Palm Beach

Diahuebs den oranan di marduga, a ricibi informacion di un accidente cu hende herida na e cruzada di luznan di trafico na Palm Beach.

Tanto polis como ambulance a bay na e sitio, pa asina duna asistencia. Na yegada di polis, a bin compronde cu ta trata aki di un accidente unca cu e chauffeur di un Hyundai Tucson, biniendo for di pabao no a para pa duna preferencia na un pick-up Isuzu cu tabata bin di zuid riba Sasakiweg.

E impacto tabata asina fuerte cu door di e impacto e pick-up a bay dal riba un palo di luz di trafico. Ambulance na e sitio a atende cu ambos victima di e pickup. Daño causa na ambos auto ta considerabel.