Un beaco cabes bela a pasa raspa su auto

Un taxista a descubri un rasca riba su vehiculo di trabou y a pensa tur cos. El a yama Forensys como tambe polis pa tuma datos di e sucedido, pa den caso su seguro por cubri e daño cometi na su co’i careda.

Diabierna mainta den careda di 9:00 am, polis a presenta pa aeropuerto pa un taxista (taxi-115) cu a pasa den un disgusto na momento cu el a tuma nota cu su vehiculo tabatin un rasca riba dje.

Segun por a compronde, e lo a pensa mas tanto cu un persona beaco lo a pasa rasca su auto intencionalmente. Aunke cu autoridadnan no por a constata esaki, toch a tuma tur dato na sitio di e denunciante. Tin hende cabes bela cu ta capas y p’esey mester ta semper cauteloso cu bo propiedad.

*Nota di redaccion:

Palabranan arcaico: beaco y bela

Nificacion di beaco: peligroso. E homber ta beaco….bo tin di (cu) tene cuidou cu ne.

Nificacion di bela: cabes bela = cabes loco. E ta bela.