Ora cu cuminda ta perfectamente combina, e por haci cu te hasta e cuminda ta cuminsa canta. Ta trata enteramente di haya e combinacion perfecto cu ta complimenta y ta trece tur cos den un balans perfecto. Riba diasabra, 4 di februari, Caymus Vineyard lo malcria e clientenan di Que Pasa Restaurant & Winebar cu e miho biña di famia Wagner. Un anochi di delicia exquisito!
E restaurant lo presenta su dinner di cinco curso, cada un prepara y combina di manera excepcional. E prome combinacion lo ta un oester ‘a la plancha’ cu yuzu-soya gel, crema di siboyo largo y bata hasa. Tur esaki combina c’un Emmelo Sauvignon Blanc for di California. E anochi ta continua cu dos appetizer y nan combinacion for di California, Merca. E Sea Sun Chardonnay ta presenta un toke di apricot, kamperfoelie, apel y palo c’un toke di seda. Un manera excelente pa cuminsa cu bo biahe di biña.
Pa loke ta e cuminda principal, un filet di lamchi ta sirbi cu zucchini riba gril, berenjena yena, couscous y saus di garlic. Esaki ta compaña c’un Caymus Grand Durif for di Suisun Valley, California cu tin un sabor di blackberry vanilla c’un toke di pepper. E anochi lo termina c’un dushi dessert consistiendo di bolo di raspberry cu relleno di chuculati, y menta.
Charlie Wagner tabata un berdadero campesino prome cu el a yuda funda Caymus Vineyards. El a wordo captiva pa biña y e proceso di traha biña. El a converti su mes den un berdadero productor di biña casero. Na 1972 el a funda Caymus Vineyard y pa varios generacion, nan pasion di mas grandi tabata di combina bon compania, bon cuminda y dushi biña cual tabata e trampolin di nan exito.
No duda, haci bo reservacion awe mes pa un dushi anochi di diner placentero cu biñanan di Famia Wagner !
E Food & Wine Pairing Dinner lo tuma luga dia 4 di februari pa 7:00pm. E prijs ta 89 dollar pa persona. Ta necesario pa haci bo reservacion. Pa e menu y reservacion, bishita www.quepasaaruba.com of yama na (+297) 583-4888. Que Pasa Restaurant & Winebar ta situa den Wilhelminastraat 18, Oranjestad.
