Diaranzon anochi un caso serio a keda registra. Dos Brommer uno color preto y otro color cora a sigui un auto. Cada uno tin un homber riba dje. Nan a cuminsa persigui un señora den un auto.
E señora die dad grandi a drenta Sabana Grandi banda di 88 Store direccion Yucuri. E dos hombernan a purba para e señora y saca arma pe. E no a para pa nan ora nan a saca arma. E señora a yama Polis despues di 20 minuut y e caso mes a sosode banda di 8or pasa di anochi. E dos brommernan tabata para un tiki prome banda di ex Drive Inn. E señora a pasa den un susto y no por a coy number di e brommer. Tur loke e señora grandi por a splica tabata cu ta trata di un scooter color preto y un scooter color cora. E motociclista riba scooter preto tabata esun arma. Tur unidad riba caya a wordo avisa di e caso serio aki pa asina cuminsa un buskeda atento riba caminda. E dos motociclistanan ta blokia e auto pasobra uno ta core dilanti y e otro ta core patras y djey purba atraca dor di saca arma.
E señora na dado momento hasta a baha caminda y e motociclsitanan a dicidi di sigui core. Ningun di e motociclistanan a papia. Ambos motociclista tabata tin helm bisti y no por a mira nan cara. Un situacion masha peligroso esaki ta y pesey mes e Polisnan a cuminsa busca tur caminda pa e atracadornan riba brommer.
