CEO di Expedia, Dara Khosrowshahi a wordo scogi pa bira e hefe ehecutivo nobo di Uber, fuentenan a conta CNBC.
E decision eynan ta conclui e buskeda largo di Uber pa reemplaca su CEO anterior, Travis Kalanick, kende a demiti na Juni, despues di un revuelta di accionista.
Khosrowshahi, un comerciante Irani Americano, ta wordo considera como e escogencia di e board, cual a mira un conflicto basta formal den e simannan reciente entre Kalanick y e inversionista mayor, cual ta Benchmark Capital. Mas na inicio di e luna, Benchmark a bisa cu e ta demanda Kalanick pa fraude, kiebro di obligacionnan fiduciario y kiebro di contract.
Benchmark a wordo reporta di ta sostene e CEO di Hewlett Packard Enterprise, Meg Whitman, pa e top job na Uber, mientras cu e hefe di General Electrick, Jeffrey Immelt, tambe tabata tun contendor pa guia e compania. Immelt eventualmente a sali for di e contienda, durante e fin di siman.
Entre simannan pa reporta riba e decision pa e luga principal na Uber, Khosrowshahi no a logra den e titularnan. Despues cu el a wordo anuncia, algun a tild’e di ta e candidato no mucho preferi.
Khosroshahi tabata na cabes di Expedia desde 2005. El a wordo acredita cu expande e presencia global di Expedia atrabes di varios booking brand di biahe online, cual ta inclui Expedia.com, Hotels.com y Hotwire.
