Twitter ta suspende pa varios ora e cuenta di e campaña electoral di Trump

499

E red social Twitter a suspende pa varios ora diahuebs e cuenta di campaña di reeleccion di e presidente Mericano, Donald Trump, pa a comparti un video unda cu el a ataca su rival, Joe Biden, pa algun informacion dudoso cu a aparece den e corant New York Post.

“A blokea su cuenta. Nos a determina cu e cuenta aki a viola e reglanan di Twitter contra e publicacion di informacion priva,” tabata e mensahe manda pa e red social na e encargadonan di e cuenta @TeamTrump, segun Mike Hahn, a comparti den un screenshot di un di nan.

E presidente di Merca, Donald J. Trump, ta saluda na Cas Blanco na Washington (Merca).  EFE/Ken Cedeno

Prome, e campaña lo a publica un video caminda cu a acusa Biden pa ta un “mentiroso” y di ta “estafando” Merca durante varios aña, relaciona cu e articulo publica diaranson pa e corant New York Post riba supuesto vinculonan entre e candidato democrata y Ucrania.

Riba e mainta di diahuebs, e cuenta lo a bolbe ta activo y a comparti e video di nobo riba Biden, compaña pa e mensahe “Nos t’ey bek y nos lo bolbe publica e video cu Twitter no kier pa boso wak.”