DVG: Turtuga di lama na Aruba, pa cuanto tempo mas nan lo tey?

650

Cumpliendo cu nan tarea y autoridad den maneho di e ley di CITES, Veterinaire dienst seccion di Departamento di Salud Publico hunto cu Turtuga Aruba kier un bez mas recorda comunidad cu ta contra ley pa gara, mata, bende y consumi carni di turtuga. Banda cu turtuga ta wordo considera un bestia proteha segun nos “Natuurbeschermingsverordening” e turtuga tambe ta wordo proteha pa e convenio International di CITES (https://www.cites.org).

Den luna di mei restonan di turtuga a ser encontra na diferente sitio manera Boca Grandi, Fisherman’s Hut, Rooi Kochi en Sabana Blanco. Mayoria di e restonan encontra ta di Hawksbill seaturtle (Eretmochelys imbricate) y Green turtle (Chelonia mydas) y e restonan mayoria tawata indica un morto no natural y ilegal.

Veterinaire diest hunto cu Turtuga Aruba ta haci un suplica na comunidad di Aruba pa sigui raporta casonan unda turtuga ta wordo gara, mata of bendi na polis. Es (nan) cu wordo gara ta haci e prakticanan aki, por wordo persigui penalmente.

E sorto di turtuganan aki ta pertenese den nos awanan teritorial y nan ta hunga un rol hopi importante den mantene e bida marino den balans. Banda di esaki e beachnan di Aruba ta unda  e turtuganan aki ta pone nan webonan cada 2 pa 5 aña na e mes un caminda cu nan mes a nace. Un averahe di 1 riba 1000 turtuga cu nace ta keda bibo y ta logra yega madures pa por completa su cyclo di bida. Esaki ta e motibo pakico tur Turtuga ta wordo proteha pa ley.

Si bo persona kier haya sa mas tocante Turtuga, bo por tuma contacto cu Turtuga Aruba na ([email protected]) y si ta desea por asta inscribi como voluntario. Mas voluntario nos tin mas nos comparti informacion na comunidad y haci e posibilidad cu turtuganan ta biba mas un realidad. Asina nos por sigui presencia nan nacemento riba beachnan di nos dushi Aruba.