Turistanan Colombiano tuma contacto cu consulado

1339

Mescos cu e Arubianonan di bishita den exterior ta tratando di bolbe nan isla, asina tambe tin aki na Aruba turistanan Latino cu a keda pega.

Segun por a compronde ta trata di un grupo chikito, banda di e 32 Argentinonan, cu tabata di bishita riba e isla net na momento cu paisnan a haya nan mes den un crisis y a cuminsa cera fronteranan.

Asina por ehempel Consulado di Colombia na Aruba ta informa cu Colombianonan cu ta di turista na Aruba por tuma contacto cu consulado pa regla e forma con pa sigui of con pa regla pa nan bandona Aruba. No ta conoci cuanto turista Colombiano a keda atras na Aruba despues cu Avianca, COPA y otro aerolineanan a cancela nan vuelonan.

Pero pa mas informacion, e Colombianonan aki por tuma contacto cu e siguiente numbernan di telefon: 745-3386 of 594-8051.

Ta papia aki di Colombiano cu no ta biba na Aruba pero cu tabata di bishita riba e isla.