Turistanan no a spanta pa lama bruto

Diasabra trempan turistanan a bay disfruta di lama. Nan no a spera di topa un lama bruto, pero esey no a stopnan pa disfruta di nan dia. Debi na mal tempo den nos region, a influencia e lama rond di nos isla, di cual a experencia olanan halto y na costa un poco mas bruto cu normal. 

Karen Thompson ta un turista cu ta bin Aruba pa hopi aña y no a spera di mira e lama asina. Esaki ta mama naturalesa, esey ta su expectativa. E ta disfruta di su vakantie na Aruba. Thompson ta bin Aruba pa 20 aña, pero ta depende pasobra normalmente e ta bin na januari y ta keda dos of mas siman. Pa 20 aña Jason Thompson ta bin Aruba y ta disfruta hopi. E tampoco no a spera di a topa cu lama bruto.

Turistanan no a spanta pa lama bruto

Turistanan no a spanta pa lama bruto. Click link pa mas https://24ora.news/3hI1drC

Posted by 24ora on Sunday, September 20, 2020

Sue Maurice hunto cu su casa a bin Aruba como vakantie. Nan ta disfruta di nan estadia, ta gusta Aruba y ta riba e isla te diabierna. Esaki ta di dos biaha cu Maurice ta bin Aruba, e prome biaha cu nan a bin tabata cu henter famia y a disfruta hopi. E lama tabata bruto y a opta pa no drenta te ora lama calma.

David Christenson tabata disfruta di e dia aunke cu awasero a yobe un tiki. E ta disfruta di e isla y ta puntra kico no tin pa disfruta. Hunto cu su famia e aña aki nan ta keda Aruba pa dos siman.