Diaranzon den oranan di atardi presencia di Polis a ser pidi na Holliday Inn Hotel. A drenta informacion cu tin dos turista pata pata burachi. Nan tabata causando hopi problema riba e beach cu otro turista. Basa riba esey e Polisnan cu a yega y confirma e comportacion malo a bay over na detencion.
A pidi presencia di dogcatcher pa asina bay cu ambos warda di Strand Politie prome. Despues a hiba nan pa warda di Shaba unda a duna nan un cuarto gratis pa nan sosega.
Na Strand Politie e fiscal auxiliar a bisa ambos cu nan ta hopi bebi y lo tene nan pa nan bin bek na tino prome cu laga nan bay. E homber ora di detencion na Holliday Inn a tira scop hasta. Despues e dama a ser carga treci na e dogcatcher pafo. Na yegada na warda e dama turista a saca den e auto di Polis.
E homber tabata manera perdi. Finalmente a logra trece ambos paden y straight den cel. Un experiencia nobo como turista pa consumo dimas di alcohol of droga. Bebemento di yen di bebida bruha tambe ta causa e tipo di actuacionnan aki.
