Awetardi, cu yegada di por lo menos tres vuelo casi simultaneo, a presenta un momento di scarsedad di Taxi pa transporta e mas di 300 turistanan pa nan hotel. Hopi a pensa cu mayoria di e 500 taxistanan a bay disfruta di carnaval na San Nicolas, lubidando cu Aruba ta den su temporada halto di turismo.
Sinembargo por lo menos dos taxista a hustifica e falta di servicio na Aeropuerto como consecuencia di tanto caminda cera. Ta dura mas awor pa hiba turistanan hotel bin bek.
Di otro banda un operador di tour a sigura cu esaki ta e mesun storia di tur aña, cu mañan diadomingo di carnaval e situacion lo ta pio!