Turista ta saca man pa bartender y haye mal sirbi

Un turista cu tabata marduga den Gusto Nightclub a haye mal sirbi pa e seguridad cu a sali na defensa di e bartender. E bartender tabata tin un discusion cu un turista y na dado momento e ruman di e turista a cay aden dal e bartender un wanta. Suficiente motibo pa atende cu seguridad.

A start un pelea entre e amistadnan di e turista y seguridad di Gusto. Despues di algun minuut e bringadornan a plama. Un rato despues e grupo di turista a yega den un van y cuminsa bringa cu esnan di seguridad di Gusto.

Cos a bay for di man e momento ey. A yama Polis y varios unidad a presenta na e sitio. Hasta agentenan na civil a bay den accion. A detene varios di e turistanan cu a bringa cu e seguridad. Nan a ser hiba warda unda Sub Fiscal a atende cu nan.