Un famia turista ta di luto. Nan a bin pasa vakantie na Aruba y a bay come na un restaurant hopi conoci na Savaneta. Nan a sinta y asina gosa di e bahada di solo. Den e proceso e homber turista a lanta pa bay canto di awa y cay den otro.
Ta mustra cu el a haya un atake di curason. A bati alarma mesora y Polis cu Paramediconan di Ambulance a yega na e sitio. A cuminsa reanima e homber turista. Despues di basta esfuerso no a logra reactiva su pulso. El a fayece eynan y a pidi pa dokter cu a bin pa constata morto. Tur cos ta mustra cu e atake di curason tabata uno masivo.
