Diaranzon anochi Polis a detene un dama turista basta rebelde y agresivo. E dama aki y un amiga a sali for di un otro Hotel all inclusive den cercania. A yega na Brickel Bay cu nan maletanan. Esun fastioso tabata causa asina hopi problema cu e otro amiga a dicidi cu e no kier keda cune den camber. Mirando su comportacion a pone cu el a bira un turista indesea na Brickel Bay. Polis a yega y e señora turista no kier a rasona.
El a bay asina leu cu a dal e polis un bofta y kier bringa cu nan tambe. Den un sera di wowo e polisnan a domine y pone na boei. A trece pafo hunto cu su maletanan. Hasta pafo e tabata grita y zapatea. Mester a pone na vloer pa evita agresion. Ora dogcatcher a yega tampoco tabata facil. Pa nada e turista kier a subi e dogcatcher. A lucha cune basta rato. Finalmente a logra cu maletanan cu tur bay warda. Eynan a presente dilanti subfiscal. El a haya un cuarto pero gratis na e Police Hotel situa na Shaba.
