Turista mericano keto bay deteni sospecha di viola turista Canades

E turista Mericano cu ta ser actualmente sospecha di e viola e turista Canades a sera keto bay. E ta pasando den e proceso di interogacion. Agentenan di Jeugd en Zeden Politie tin e investigacion. Polisnan a detene e anochi despues cu marduga e supuesto violacion a tuma luga pabou di Hilton riba beach. Na warda di Shaba e ta sera pendiente investigacion. Dialuna mainta e personal di CEA a bin buske pa asina hibe Huez Comisario. Esaki ta e proceso legal cu e ta pasa aden como sospechoso.  Despues di tuma declaracion di e victima y tambe scucha e declaracion di e sospechoso, lo dicidi si e sospechoso ta keda sera. Mester remarca cu ambos turista a trip hunto den nightclub.

E turista sospecha di violacion tabata keda na un hotel y e victima tabata keda na un apartamento. Tin diferente cost a hungando un rol. Sigur e forma cu a bay laga e victima su so benta riba beach ta algo cu sigur lo hunga un rol. E homber lo mester splica si realmente el a forsa e dama pa tene relacion sexual. Of el a probecha di dje pasobra e tabata bou influencia. Tambe autoridad mester confirma exactamente si e victima ta papiando berdad. Ta detayenan importante den un investigacion. Mientrastanto por confirma cu a dos turista cu a topa otro na nightclub. E dama tabata cu un amiga ora nan a Sali pero despues no a sigui hunto y e amiga no tin di haber cu e caso.