Turista Mericano deteni sospecha di a viola turista Canades

Manera ta conoci, diabierna marduga pa 3:50am a notifica Polis di violacion di un dama na altura di Hilton. Enberdad esaki a resulta di ta un dama di nacionalidad Canades. Ambulance na yegada a bay cu e dama. E tabata drumi riba beach chair. Jeugd en Zeden Politie a haci nan investigacion.

Diabierna anochi e sospechoso den e caso aki, un homber di nacionalidad Mericano a keda deteni door di personal di Strandpolitie conhuntamente cu personal di Jeugd en Zeden Politie. A bay cune warda pendiente investigacion. Lo cuminsa e proceso di interogacion. E victima a duna full un declaracion di loke a pasa cune. E agentenan di JZP tambe a traha duro pa por a logra tur loke ta imagen cu por a conduci na e detencion.