Diadomingo, algo pasa di 2’or y 15 di marduga, un conductor kende tabata siguiendo un Hyundai I-10, a yama polis, cu e auto aki lo a ranca un borchi di trafico, na altura di e rotonde di aeropuerto, despues a sigui bay abao riba e caminda principal. Di biaha patruya di Playa a wordo dirigi riba e caminda aki, na altura di aeropuerto y a bin topa cu e Hyundai, I-10 color blauw, V-5747. Mesora a bay atende cu e manehador aki. Ora polis a bay atende cu e cabayero aki, nan a bin ripara cu e homber no tabata ni por a para riba su pianan. Polis a tuma datonan di e homber Mericano aki. Despues di esey a transporta e homber pa e hotel caminda e ta kedando.
