Turista kier a kibra glas di patruya cu su cabes

Diadomingo anochi alrededor di 11:00 pm polis a presenta na Hilton Hotel pa un turista hopi agresivo. Un homber turista tabata den casino y e tabata causa molester p’e otro usuarionan. Parce e tabata bisa e otro hungadonan di poker con pa hunga.

Na dado momento a hasta bay asina leu di a insulta un di nan. Pa evita mas problema, personal di siguridad a opta pa escolt’e pafo di e casino. E no kier a sigui ordo di e personal di e casino. Ta tur motibo pa polis presenta y atende cu ne.

Turista kier a kibra glas di patruya cu su cabes

Turista kier a kibra glas di patruya cu su cabesClick link pa mas: https://24ora.news/3ca5pzI

Posted by 24ora on Sunday, March 7, 2021

E no a keda contento cu presencia di polis, pero debi cu e ta betra y agresivo a opta pa deten’e. Na dado momento el a cuminsa bati su cabes den e patruya di polis. A mand’e suela di biaha djey a transport’e pa warda di polis den un dogcatcher. Su anochi di gamble a termina tras di trali.