Turista Hulandes cu vakantie a wordo horta riba Eagle Beach

E cabayero V. a presenta na warda di polis y a duna keho di ladronicia na altura di Eagle Beach dilanti di Oceania Residence.

E ta kedando na Aruba desde dia 27 di September 2018 na Aruba y pa dia 29 di October e lo ta bayendo Hulanda bek.

E tabata tin un auto di huur di e marca Hyundai modelo i10 color shinishi y ta di Cheap Carrental, aunke, e no ta corda e plachi di number.

El a sigui declara cu un dia prome el a bay Eagle Beach pa ba landa. El a staciona e auto bao di e palonan den e caminda paralelo cu esun principal banda di e beach.

Un rato despues cu el a sali for di e auto, un individuo a bin y a push’e p’adilanti, a kita su schoudertas y a sigui su caminda.

E Hulandes a indica cu e no a mira e cara di e homber, debi na e posicion cu e tabata aden na e momento ey. E Hulandes a indica cu el a mir aun hoben cerca den e vecindario, pero no a dun’e atencion. E tabata tin den su schoudertas un cadena di oro, dos camara di e marca Go-Pro y uno Sony (pa traha video), su bril di solo, cartera cu rijbewijs Hulandes y carchi di banco ING. Keho a wordo tuma.