Diabierna anochi, net prome cu mey anochi, polis a presenta na Wendy’s Palm Beach, unda cu dos turista a haci masha fastioso cu mester a yama autoridad pa nan.
A bin resulta di ta dos turista Hulandes, kende despues di un trip a bay pasa come na Wendy’s, pero a bin topa cu esaki.
E luga, mescos cu tur otro establecimento riba e isla, ta cera prome cu 11’or di anochi, pa motibo di e protocol enconexion cu Covid-19. Trahadonan a bisa e turistanan cu nan ta cera, pero esakinan no kier a tende.
Nan a rabia asina hopi cu nan a sinta ranca riba porta y dal riba bentana, pasobra e luga tabata cera. Despues cu polis a presenta, nan a pasa nan careda y a hala nan atencion.
E duo dinamico aki a compronde y a bandona e sitio.
