Un homber cu ta gosando di su vakantie na Aruba a accidenta cu un ola fuerte. El a drenta cu un cama di drief den lama. Cerca di tera e ola ta kibra fuerte diadomingo merdia. Si bo drenta poco mas den lama e no ta molostia hopi. Drenta of saliendo di lama mester paga tino pa e ola bruto no benta bo y causa daño.
Den e caso e homber di 71 aña a haya sorpresa pasobra e hola a dal’e bente riba tera. El a dal su cabes y sinti su nek. Polis y ambulance a presenta. Prome instante a kere cu el a hoga. E reaccion rapido a yuda pa saca e homber di lama.
A atende cu ne. A bay cu ne hospital pa control. E tabata na tino. Segun informacion e homber ta cu algun familiar biba na Aruba. E mes ta biaha dialuna. Tur cos ta mustra cu e lo keda bon pa asina por sigui su biahe.
