Turista den situacion grave despues di accidente cu UTV

Diamars algo prome cu 6:00pm a sosode un accidente serio na Sero Colorado. Tur cos ta mustra cu un turista Mericano a bolter cu un vehiculo UTV, causando lesionnan serio na su brasa y na cabes. Su man tabata mal kibra, cu un “openbotfractuur”

Mirando e seriedad di e accidente y cu e situacion delicado di e turista, Polisnan a dicidi di cera e area mesora pa cuminsa un investigacion na e sitio. Tanto e Polisnan di trafico como tambe Polisnan Forensico a scucha testigonan, a midi caminda y a saca potret di e situacion pa por simula con e accidente a tuma luga.

Accidente serio na Sero Colorado. Turista a bolter cu UTV y a resulta seriamente herida

Posted by 24ora on Tuesday, September 10, 2019

Na yegada di Ambulance na e sitio, Paramediconan a constata cu situacion di e turista masculino ta serio y despues di a pone den ambulance a sali direccion Dr. Horacio E. Oduber Hospitaal pa por brinda tratamento medico avansa. A hasta pidi Polis pa yuda cera e crusadanan grandi, facilitando e pasada rapido di Ambulance rumbo pa Hospital.

Comments

comments