Diadomingo den oranan di atardi Polisnan encarga cu e zona turistico a atende cu un caso unda un turista crusero tabata envolvi. E turista parce a baha for di e crusero mara den waf y ta sinti cu e mester bandona Aruba pasobra si e keda e lo muri. Tur esaki bijbel ta bise. E tabata papia hopi cos bruha y tabata mira cosnan straño. Parce un hende cu a dal algo straño y pone flip.
Polis a topa cune banda di Royal Plaza ora cu esnan di e compania Maritimo encarga cu e barco tambe a bati alarma. Parce cu e no por bay riba avion y mester bay bek riba e barco pa haya tratamento. Ora cu Polisnan a topa cune e tabata manera den termino Policial “Stappel Gek”. A hinke den auto y pidi yudansa di mas colega pa purba comunica cune. E ta sinti cu tin hende undervocer ta vigila su pasonan tambe. Na dado momento ora cu Polis a medio habri e porta di e patruya pa papia cune, diripemte el a Sali core. Net un otro patruya tabata yegando y a core baha pare. El a pone man na halto y asina a calme.
A bolbe hinke den otro auto di Polis. A trata na papia cune. Ora a kere cu por a hinke den auto y hibe bek waf, diripente el a cuminsa grita y bira histerico. Dimes Polis no ta confia e asunto. Pesey mes a bay over na pidi dogcatcher. A papia cune mientras e dogcatcher tabata na caminda. Polis no tabata confie. Finalmente ora dogcatcher a yega, a rondona e auto den forma tactico y pidie baha. A bise comporta su mes. A pone boei man patras y pidie encarecidamente pa e subi dogcatcher. Finalmente a logra bay cune waf.
Eyan mester a warda atrobe pa seguridad di APA y tambe esnan di e barco y compania encarga cu e barco pa mira e siguiente stap. Riba avion sigur e no por a bay. Riba barco tambe e ta un peliger. Riba e ruta e por bula for di e barco y cu tur consecuencia. Un pasahero asina mester biaha bou vigilancia total. Kizas riba barco su famia tin su medicamento of tabata prepara pa e haya tratamento. Su nanishi tabata manera herida tambe.
