E yate Kristel a sali diadomingo mainta cu un turista. E turista di Merca a book su trip adelanta pa ora e yega Aruba piscamento por forma parti di su actividadnan. 6or di mainta nan a sali na pier di Hadicurari.
E trip di ocho ora mester a termina pa 2or di atardi. Ya pasa di merdia e turista a bisa cu el a gosa suficiciente di e trip y nan a bin aden pa 1or di merdia. 7 ora di piscamento a bay bon. Seis Mulato di cual uno di 21 kilo ta parti di e trip.
Tambe un Conovis y un Picuda. E turista a gradici e doño di Yate Kristel y capitan Michael Wever pa e trip. Ta prome biaha na Aruba y a bisa mesora cu e lo bolbe y lo sali pisca cu Kristel.
E trato cu e trahadonan riba Yatenan ta duna nos turistanan ta laga nan mes sinti na cas. Mas ainda ora bo trip bay asina bon caminda bo ta bringa basta pisca manera a sosode diadomingo. Yate Kristel ta mara na pier di Hadicurari y a sali pisca panort di Aruba.
