Diadomingo, algo pasa di 1’or di merdia a sosode un accidente riba Watty Vos Boulevard. Un chauffeur cu un auto di huur, coriendo riba caminda, pa un motibo of otro, a perde control na stuur, net p’ariba di Codemsa, riba e brug nobo cu tin na Meiveld.
El a baha caminda na man robes, despues cu a perde control. Por a mira marcanan di tire riba e caminda, unda cu e chauffeur a bay den un scual total y no tabata tin control riba su vehiculo.
El a dal den e berm cu ta separa e camindanan di ambos direccion. A ranca un palo di luz y finalmente bay para keda memey riba e berm cu e auto. El a paralisa e trafico completo. E chauffeur a cay sinta banda di e auto y esnan cu a mira e situacion na momento cu el a baha, ya caba a cuminsa bisa cu e chauffeur tabata bao di influencia di alcohol.
Ambulance a yega, a mira su situacion. Polis di trafico a bay over na detencion di e chauffeur, ora cu a confirma cu e tabata bao di influencia di alcohol.
El a mustra di ta un persona no local, un turista aparentemente cu tabata riba caminda cu e SUV marca Jeep, coriendo bao di influencia di alcohol.
