Diadomingo anochi manece dialuna alrededor di 12’or di marduga a sosode un accidente na Sabana Berde. Aki ta caminda un turista tabata direccion pariba y a perde control bay dal den un pal’i luz. E tabata maneha un Toyota Yaris color blanco, e Yaris a ricibi basta daño material na e parti patras. E no tabata herida pero si bebi. A lag’e haci un test di alchohol pero el a surpasa e limite. A deten’e y transport’e pa Warda. Presencia di Elmar tabata necesario mirando cu e full e “schakel” di caminda principal na Camacuri a ricibi daño y no tabatin iluminacion.