Un turista cu tabata disfrutando di Renaissance Island a haya su cu problema den awa pa cual a bati alarma mesora. Esaki a sosode rond di 12’or di merdia. E cabayero tabata disfrutando di un vakantie na Aruba hunto cu su esposa y tres yiu. Mainta tempran nan a sali pa bay Renaissance Island pa un dia familiar, te ora cu e homber a slip den profundo y a haya problema. El a cuminsa guli basta awa prome cu nan a logra sak’e, y pone riba un boto pa trece na pier banda di Convention Center.
Dos ambulance y paramediconan tabata sperando y asina cu a yega a sigui cu e reanimacion cu personal di e isla a cuminsa dun’e. Sinembargo nada no a yuda y no a logra haya pulso. Pa 12:56 dr Van Trigt ta constata morto di e turista masculino L.T.H. naci na Vietnam aña 1975. E cabayero aki ta laga atras un esposa cu tres yiu di cual un di nan ta basta chikito. Sigur no un recuerdo agradabel di un vakantie asina hopi planea.
