Dialuna anochi alrededor di 10:00 pm polis a bay atende c’un caso di kiebro den Ooststraat na Playa. Aki ta caminda cu desconoci a kibra glas di auto y bay cu tas di tursita. Den e tas tabatin varios articulo di balor, entre otro telefon y placa cash. Ta trata di un auto di huur, marca Nissan modelo Versa.
E turistanan a conta cu; nan a bay come na un restaurant no mucho leu di unda nan a staciona. Ora nan a regresa, a topa cu un sorpresa menos bunita. Pa colmo, mañan nan ta bay nan pais bek, sigur un mal forma pa finalisa nan vakantie na Aruba. Manera nos a publica caba e dianan aki, ta nota cu e racha di kiebro y ladronicia den auto ta aumentando e ultimo dianan tras di lomba. Ta spera cu pronto pone man riba e personanan aki.
