Tur wowo riba prevencion pa traficacion humano

642

Minister di Husticia, Siguridad y Integracion, mr. Andin Bikker a inaugura un campaña di conscientisacion riba trato y trafico ilicito di personanan den situacion vulnerabel. A anuncia e campaña aki hunto cu mr. drs. Jeanette Richardson-Baars di Cuerpo Policial Aruba y como “National Coordinator Anti Human Trafficking & Smuggling” y Elisabeth Pope encarga cu Migracion Aruba.

A laga instala un banner grandi den sala di yegada di pasaheronan na aeropuerto Reina Beatrix, hunto cu diferente poster rond di e sala, pa asina por informa autoridad si cualkier persona por ta na altura di e tendencia robes aki. Hopi biaha na aeropuerto caba por deduci cu un persona ta yega Aruba forsa kisas pa haci un trabou contra su boluntad of cu nan a tum’e pa haci un trabou diferente y ora e yega nan ta abusa di dje. No semper mester ta un trabou sexual, pasobra tin biaha ta importa trahado y paga nan menos di salario minimo y laga nan biba bou di condicionnan inhumano.

Tur wowo riba prevencion pa traficacion humano

Tur wowo riba prevencion pa traficacion humano: Minister mr. Andin Bikker a inaugura campaña di conscientisacion riba trato y trafico ilicito di hendePa mas info: https://24ora.com/tur-wowo-riba-prevencion-pa-traficacion-humano/

Posted by 24ora on Sunday, October 18, 2020

Dialuna lo sigui cu un siman di sesionnan digital “Webinar”, pa cual participantenan for di rond mundo a inscribi online. Ey lo suministra mas informacion, lo repasa e leynan cu a cambia e ultimo añanan y analisa con ta preveni casonan di trafico di hende y tambe con ta reconoce casonan asina. E trabou ta cuminsa na mas conscientisacion, pasobra lamentablemente, hopi biaha e victimanan no ta realisa mes cu ta explotando nan y uzando nan den cierto forma pa un bentaha financiero.