Tur tres auto cu basta daño material: Accidente riba L.G.Smith Boulevard

A bin topa cu tres vehiculo cu basta daño material riba L.G.Smith Boulevard, na altura di Notaris Kantoor Yarzagaray, caminda afortunadamente ningun hende a resulta herida.

Esaki a sosode den careda di 11:45 am ora cu un Van H1 (shinishi) no a tuma nota cu e auto su dilanti a para. El a bay dal den un Suzuki Vitara (blauw) y debi na impacto, e vehiculo aki na su turno a bay dal den un Ford Explorer (shinishi scur). 

Desafortunadamente e Explorer, cu a para pa laga un auto sali for di parkinglot, a hay’e envolvi sin cu e tabata por a yuda. Den e accidente aki, tur vehiculo a ricibi daño pero e Vitara ta esun cu mas daño a ricibi.