Crisisteam a aclaria na tres asociacion di musica y entretenimiento cu e medidanan ta keda mesun cos, pues cu no tin medida. E unico condicion impone riba e mundo di entretenimiento ta cu no mag cobra na entrada pa fiestanan musical ni tampoco por organisa concierto. Parce cu tin un mal comprendimiento den esaki pasobra ultimo simannan aki, delaster un club y hasta restaurant ta organisa fiesta cu banda y ta cobrando na porta manera nad’un pasa. Pa e weekend aki polis lo actua y para tur fiesta, mientras cu e doño di establecimientonan lo por haya multa pa falta di cumplimento.
Ofo Escudero di Aruba Entertainment 2020 a sigura cu e musiconan y tur envolvi ta riba mesun liña cu crisisteam. Nan ta di acuerdo cu e punto den e decreto y lo respet’e tambe. Es mas, a haci un peticion na e restaurantnan y clubnan pa no faya cu e regla aki. Ta pidi pa hunto nos pasa door di e retonan aki pasobra musiconan y promotornan no por sobrebibi si bolbe cera e luganan atrobe. Pa mas informacion lesa e edicion di TREMPAN di diabierna.
