Tur partido di acuerdo cu cortamento ta inhumano y inhusto

Partidonan politico por ta contrincante di otro, pero riba e tempo di cortamento di 5 miyon mensualmente den AZV y e forma cu a haci esaki, ta algo inhumano. Oposicion ta bisa cu e tabata algo cu a planea na Aruba mientras cu di banda di coalicion por scucha cu a pone cuchiu na garganta di gobierno.

Arends, di e fraccion berde den parlamento a bisa cu a sali na cla tambe e plan di e reforma medico, e cortamento di gasto ta algo cu a inicia na Aruba y no for di Den Haag.  Esaki ta algo cu nan ta lamenta.

Pero otronan ta papia di un falta di transparencia of consulta na momento di papia di baha gasto.  Daphne Lejuez, Parlamentario independiente ta di e opinion aki. Tambe e ta kere cu mester haci un manera pa convence Hulanda pa baha e suma di 60 miyon florin.  No por laga e ciudadano sufri of stroba su acceso na e cuido.

Tur partido di acuerdo cu cortamento ta inhumano y inhusto

Tur partido di acuerdo cu cortamento ta inhumano y inhusto Click e link pa mas: http://24ora.news/2XJzi2X

Posted by 24ora on Friday, January 15, 2021

Ricardo Croes a papia di un situacion horibel y inhumano. E sa cu a pone cuchiu na garganta di gobierno pa acepta e condicion aki. Pero loke e no ta compronde ta di con ta kere cu por corta 5 miyon den cuido medico, sin cu esaki tin efecto negativo riba e ciudadanonan. Di otro banda Aruba ta e unico cu tin e situacion aki cu e ta confronta cu ne.

Gobierno mester asumi su responsabilidad, pasobra ta nan a firma cu Hulanda pa corta den cuido. Mester bay bek y bisa cu e situacion ey no ta bon pa cuido. Ta opinion di Mervin Wyatt Ras.  No ta husto pa keda corta y pashentnan dado momento no por haya tratamento necesario. Tin hopi punto pa traha riba dje y kisas un Taskforce por yuda yega na cierto palabracion pa evita cu cuido ta bay sufri e consecuencianan.