Tur pais den Latinoamerica a compromete pa bin participa na CATA

CATA ta e conferencia anual di turismo cu ATA ta organisando pa Latino America, den cual ta invita touroperators, aerolinea, esta e socionan den region pa bin Aruba, bin wak kico e cambionan tabata te cu e ultimo aña, gradici nan un poco pa e bentanan cu ta nan ta haci. Y tambe laga nan experencia e producto.

Segun Miriam Dabian, directora di ATA Latino America, e biaha aki a trece un poco mas di 65 participante, entre operador, representante di hotel y aerolinea, pa nan por a bin y tambe sinta cu tur e socionan on island, pa negosha tarifa, pa haci contract, etc.

Venezuela

Dabian a splica cu e habrimento di e frontera ta un bon noticia. Sin embargo mester traha mas fuerte pa mitiga e caida di Venezuela. Venezuela tabata nan mercado principal di Latino America. Asina mes, nan ta 30% di e mercado di Latino America. ATA Latino America ta trahando mas fuerte den Colombia. Nan a haci un  crecemento formidabel na 2018. Ta sigui traha na Brasil, aunke nan tin un dificultad cu nan moneda, cu a bira hopi caro pa bin Aruba.

Tambe Argentina, cu si tabata tin un caida di 5% na 2018, pero cu e dificultad cu nan tin politico economico, ta haci cu nan ta bira hopi mas costoso pa bin Aruba pa un Argentino tambe.

Nan moneda tabata 15 peso dos aña pasa y actualmente ta riba 40 peso pa cumpra un dollar.

Eynan si el a bira 3 biaha mas caro pa bin Aruba. Tin tambe Peru. Peru ta un destino cu a echt kere den dje cu e por crece mucho mas. Tin Chile tambe cu ta trahando riba dje. Eventualmente a traha Uruguay y Paraguay, cu aña pasa tin un crecemento den double digit y triple digit, cu un cantidad di poco chikito ainda, pero tin potencial den crecemento.

Ta purba di amplia unda cu por y tambe diversifica den e mercadonan cu ta aden actualmente.

 

Brasil

Carlos Barbosa di ATA Brasil, a splica cu tabata espectacular pa bin CATA. Nan a bin cu un delegacion mas grandi pa compronde Aruba un poco mas. Brasil a caba di pasa den un temporada complica den e parti economico y politico. Na momento cu nan a cambia di presidente, tabata e prome aña cu nan a logra di bin cu mas touroperator pa CATA.

E delegacion ta consisti di ocho persona di touroperatornan diferente di varios region di Brasil.

Barbosa a splica cu tin basta optisimo cu e recuperacion cu nan mercado pa componer henter e structura di Latino America. Lo mas interesante ta cu nan por a bin Aruba, conoce un poco mas di e isla. Compronde un poco mas di henter e renobacion cu ta pasando den e sector hotelero, den e parti di infrastructura y esaki ta trece basta trankilidad ora cu ta bin cu vendor y proveedornan di servicio pa e isla, pa nan por compronde e movimento di e destino, di e responsabilidad cu turismo local tin cu nan ta purba di mehora.

Ta bastante importante for di e punto di bista di mustra loke ta wordo haci y ademas tur esaki, Aruba tin un composicion cu pa e turista ta espectacular. Ta tur e amibilidad di pueblo, e relacion di beach, lama, solo. Tur loke e isla ta entrega e turista, ora cu pasa esaki na e tour opertor cu ta e punto directo na e consumidor, ta yuda hopi pa explora y bende Aruba mas na Brasil.

Pa loke ta CATA cu esaki ta espectacular. Por nota cu tur pais di Latino America a compronde pa bin, a compronde pa conoce, nan ta bishitando e hotelnan, ta compronde tur e servicionan pa duna un tiki di e destino den e paisnan pa asina trece e turista cu mas deseo pa e destino.

Tur pais den Latinoamerica a compromete pa bin participa na CATA

Tur pais den Latinoamerica a compromete pa bin participa na CATA

Posted by 24ora on Friday, May 10, 2019